ජමාල් කෂෝගි ඝාතකයන්ට පෙම්වතියගෙන් සමාවක් නැහැ

ජමාල් කෂෝගි ඝාතකයන්ට පෙම්වතියගෙන් සමාවක් නැහැ

ad-bannerවිදේශීය

Published on 5/26/2020

204 Views

2018 වසරේ මරා දමන ලද මාධ්‍යවේදී ජමාල් කෂෝගි ඝාතකයන්ට ‘සමාව දීමට කිසිවෙකුට අයිතියක් නැතැයි’ ඔහුගේ පෙම්වතිය කියා සිටිනවා.

 

ඇය එම ප්‍රකාශය කර තිබෙන්නේ සිය පියා මරා දමන ලද පුද්ගලයන්ට සමාව දෙන බවක් ජමාල් කෂෝගිගේ පුත්‍රයා විසින් ප්‍රකාශ කරනු ලැබීමෙන් අනතුරුවය.

 

තුර්කි ජාතික හැටිස් සෙන්ගිෂ් (Hatice Cengiz) නම් එම කාන්තාව ‘ට්විටර්’ පණිවුඩයක් නිකුත් කරමින් “ජමාල් මරා දැමීමේ සාහසික අපරාධයට වගකිවයුත්තන් අධිකරණය ඉදිරියට ගෙන එනු ලැබීම සඳහා කාලය අතින් සීමාවක් නැතැයි” කියා සිටියා.

 

සෞදි අරාබි පාලනය දැඩි ලෙස දෝෂ දර්ශනයට ලක් කළ ජමාල් කෂෝගි 2018 වසරේ තුර්කියේ, ඉස්තාන්බුල් නගරයේ සෞදි තානාපති කාර්යාලය තුළ දී මරා දමනු ලැබිණි.

 

එම ඝාතනය සම්බන්ධයෙන් තමන්ගේ කිසිදු මැදිහත් වීමක් නැතැයි පවසන සෞදි අරාබි නිලධාරීන්, එය ‘කුරිරු මෙහෙයුමක්’ ලෙස හඳුන්වා ඇත. සෞදි අරාබියේ එම ප්‍රකාශය සම්බන්ධයෙන් ලෝක මට්ට්ටමින් පළවෙමින් පවතින්නේ සැකයකි.

Tags:
    ad-banner

    0 Comments

    Leave a comment

    ad-banner